“PKK-nın özünü buraxması Türkiyənin regionda daha da güclənməsinə səbəb olacaq. Artıq Türkiyə regionda olan digər terror qruplaşmalarının zərərsizləşdirilməsi üçün hərəkətə keçəcək “. – bu fikirləri politoloq Arzuman Muradlı bildirib.
Arzuman Muradlı qeyd edib ki, Türkiyənin İraqdakı Kürd muxtariyyəti ilə çox yaxşı Türkiyənin münasibətləri var.
“Türkiyə regionun sülh və rifah içərisində yaşaması üçün bütün çətinliklərə baxmayaraq istəyinə nail oldu.Türkiyənin uzun illərdən bəri həyata keçirdiyi antiterror əməliyyatlarının ciddi bir nəticə əldə etdiyini nəzərə alsaq, PKK-nın hal-hazırda atdığı addımlar sadəcə olaraq terror fəaliyyətinin nəticəsiz qalacağına olan inamdan irəli gələn bir məsələdir. Bir sözlə Türkiyə sonuncu PKK terroçusunu da zərərsizləşdirənə kimi bu mübarizə davam edəcək”.-deyə Arzuman Muradlı bildirib.
