Mersin şəhərində Türkiyənin müdafiə sənayesi çərçivəsində hazırlanan OKHAN adlı pilotsuz dəniz aparatı (İDA) test prosesini uğurla başa vurub.
Mersin Teknoparkında fəaliyyət göstərən “Kayacı” müdafiə şirkəti tərəfindən 2018-ci ildə istehsala başlayan OKHAN çətin dəniz şəraitində işləmək üçün nəzərdə tutulub.
Sahil Mühafizə Komandanlığı ilə həyata keçirilən layihə çərçivəsində dənizdə müxtəlif şəraitdə və saatlarda idarə olunan avtonom dəniz vasitəsi test uçuşlarından uğurla keçib.
Uzunluğu 11,5 metr, çəkisi 7 ton olan OKHAN 390 at gücünə malik mühərriki ilə 27 düyün sürətə çata bilir.
OKHAN-ın gediş məsafəsi 350 dəniz milinə çata bilər.
Yüksək manevr qabiliyyətinə malik olan aparat maneələrdən yayınma manevrlərini avtonom şəkildə yerinə yetirə bilir.
