Fransa Ukrayna üçün Avropa ölkələri tərəfindən maliyyələşdirilən Amerika silahlarının alınması təşəbbüsündə iştirak etmək niyyətində deyil.
Bu barədə “Politico” mənbələrə istinadən xəbər verir.
Nəşr qeyd edir ki, Fransa prezidenti Emmanuel Makron davamlı olaraq Avropanın müdafiə sənayesinin inkişafını müdafiə edib və hesab edir ki, Avropa ölkələri silahları öz istehsalçılarından almalıdırlar.
“Paris bu səbəbdən ABŞ silahlarının alınması təşəbbüsünə qoşulmayacaq”, – nəşr vurğulayır.
