Kanada və Çindən olan beynəlxalq tədqiqatçılar qan qrupu A-dan universal O-ya dəyişdirilmiş insanda ilk böyrək transplantasiyasını həyata keçirib.
Ulusal.az xəbər verir ki, bu barədə “Nature” nəşri məlumat yayıb.
Orqanı istənilən xəstə ilə uyğunlaşdırmaq üçün alimlər hüceyrə səthindən A tipli antigenləri çıxaran xüsusi fermentdən istifadə ediblər. Müalicədən sonra donor böyrəyi effektiv şəkildə “universal” orqan halına gəlib, alıcıda immun hücuma səbəb olmayıb. Modifikasiya edilmiş orqan Çuntsin şəhərindəki xəstəxanada beyin ölümü keçirmiş 68 yaşlı kişiyə köçürülüb. Böyrək funksional olaraq qalıb və altı gün ərzində sidik istehsal edib. İkinci gün rədd edilmənin ilk əlamətlərini göstərməyə başlayıb.
Müəlliflər bunun transplantasiyanın yeni dövrünün ilk addımları olduğunu vurğulayırlar. Hazırda orqanlar yalnız qan qrupları uyğun gələrsə transplantasiya edilə bilər. Əks halda xəstənin immun sistemi yad toxuma hücum edir. Texnologiyanın canlı xəstələrdə effektivliyi sübut olunarsa, transplantasiyanın qarşısında duran əsas maneələrdən birini aradan qaldıracaq və donor orqanların gözləmə müddətini kəskin şəkildə azaldacaq.
Mütəxəssislərin fikrincə, tədqiqatçıların növbəti məqsədi transplantasiya edilmiş orqanların ömrünü uzatmaq üçün fermentlə müalicə üsulunu təkmilləşdirmək və canlı xəstələr üzərində klinik sınaqlar keçirməkdir.
