Orenburq vilayətindəki “Qara delfin” koloniyasında ömürlük həbs cəzası çəkən Qaraçay-Çərkəzdən olan keçmiş senator Rauf Araşukov işgəncə və təxribatlardan danışıb.
Ulusal.az Rusiya mətbuatına istinadən xəbər verir ki, bununla əlaqədar o, Mordoviya Respublikasındakı digər islah müəssisəsinə köçürülməsini xahiş edib.
Qeyd edək ki, Araşukovun vəsatətini onun vəkili bildirib. Hüquq müdafiəçisinin sözlərinə görə, Mordoviyada ömürlük məhbuslar üçün iki koloniya var, onlardan birində keçmiş senator Rauf Araşukovun atası da var.
Bildirilir ki, keçmiş siyasətçi və onun atası cinayətkar birlik yaratmaqda, kütləvi qırğınların təşkilində və külli miqdarda oğurluqda təqsirli biliniblər. Məhkəmənin müəyyən etdiyi kimi, qohumlar “Qazprom”dan 30 milyard rubldan çox məbləğdə qaz oğurlamaq üçün cinayətkar qrup yaradıblar.
