Ağdamdan Xankəndinə, oradan da Şuşaya cəmi 39 km-dir
Dəqiq bilirəm ki, Bakıdan Bərdəyə, oradan da Ağdamın ortasından kecərək Şuşaya qədər yol məsafəsi 365 km-dir. Təzə yolu bilmirəm. Onu da dəqiq bilirəm ki, Ağdamdan Xankəndinə 28 km, oradan da Şuşaya 11 km-dir: 28+11=39. Yəni Agdamdan Şuşaya cəmi 39 km yol məsafəsidir.
Əgər Xankəndində yaşayan ermənilər Rus sülhməramlıların nökərçiliyi ilə Qafana, İrəvana və yaxud əksinə sərbəst gedib-gələ biləcəklərsə, onda məsələ qaldıraq, bizə də nökərçilik etsinlər. Biz də öz dədə-baba yolumuzla sərbəst Şuşaya, Laçına getmək istəyirik. Bu, şuşalıların və Şuşa ətrafinda yaşamış və hal-hazırda işğal altında olan 26 kənd – Kosalar, Xəlfəli, Qaybalı, Şırlan, Malıbəyli, Quşçular, Cəmilli, Canhəsən, ümumiyyətlə, hər bir kənd və rayon sakinlərinin tam hüququdur. Hər bir laçınlının tam hüququdur.
Əgər Xankəndində yaşayan ermənilər Azərbaycan vətəndaşlarıdırlarsa, onda biz kimik? Hər halda, dovşan balaları da deyilik, biz də Azərbaycan vətəndaşıyıq. Bizim də qəbiristanlığımız var, ziyarət ediləcək ağır ocaqlarımız var, ibadət ediləsi yerlərimiz var. Qocalarmız var, xəstələrimiz var, əlillərimiz var, şəkəri, təzyiqi olanı var, uzun yolu gedə bilmirlər. Bir də ki, 39 km-i qoyub niyə uzun yolu getməlidirlər ki?
Azay Kərimov
