Dünən məlumat verdiyimiz kimi, polkovnik-leytenant Kənan Aşurov Fövqəladə halların nəticələrinin aradan qaldırılması işinin təşkili Baş İdarəsinə yeni rəis təyin edilib.
Bununla bağlı nazir Kəmaləddin Heydərov müvafiq əmr imzalayıb.
Qeyd edək ki, polkovnik-leytenant Kənan Aşurov bu təyinata qədər Fövqəladə Hallar Nazirliyinin Gəncə Regional Mərkəzinin rəisi işləyirdi. O, mərhum vəkil və ictimai xadim, 1992-1993-cü illərdə Qazax Rayon Polis Şöbəsinin rəisi vəzifəsində çalışmış İsaxan Aşurovun oğludur.
![](https://static.azpolitika.info/storage/news/4dc87984be6293fb4d297dad99f06ad6/1cd1460c-bf70-44ca-b505-e8406929bc4d.jpg)
Kənan Aşurov
Onu da qeyd edək ki, Kənan Aşurovdan əvvəl FHN-in Fövqəladə halların nəticələrinin aradan qaldırılması işinin təşkili Baş İdarəsinin rəisi vəzifəsini general-mayor Elşad Hüseynov tuturdu.
![](https://static.azpolitika.info/storage/news/4dc87984be6293fb4d297dad99f06ad6/892e6de6-a048-4b2a-b30e-2df3293a1fd1.jpg)
Nazir Kəmaləddin Heydərovun müvafiq əmri ilə Elşad Hüseynovun sərəncama götürüldüyü bildirilir.“AzPolitika.info”