Rusiya Dövlət Dumasında müəllimlərin maaşının az olduğu vurğulanıb. Rusiya Liberal Demokrat Partiyası (RLDP ) rəhbərinin müavini Yaroslav Nilov müəllimlərin maaşının 2,5 dəfə artırılmasını təklif edib.
Ulusal.az xəbər verir ki, bölgədən asılı olmayaraq tam ştatlı müəllimlərə maaş artımı təklif olunur. Fraksiya Dövlət Dumasına təqdim etmək üçün müvafiq qanun layihəsi də hazırlayıb.
Y.Nilov qeyd edib ki, təşəbbüs təsdiqlənəndən sonra “müəllimlərin maaşları azalmamalıdır”. Qanun layihəsi qəbul olunarsa, 2024-cü il yanvarın 1-dən qüvvəyə minəcək.
2022-ci ilin sonunda Rusiyada bir müəllimin orta əmək haqqı 30 min 181 rubl (605 azn) təşkil edib. Fevral ayında “Vedomosti” ölkədə müəllimlərin 76 faizinin minimum əmək haqqından (SMIC) aşağı maaş aldığını, bu peşəyə tələbatın isə kəskin şəkildə artdığını yazmışdı.
Paytaxt sakinlərinin fikrincə, müəllimlər hər ay orta hesabla 119,4 min rubl (2000 azn) maaş almalıdır.
