Moldovada Aİ-yə üzvlüklə bağlı danışıqların ikinci raundu başlayıb. Ulusal.az -ın “RİA Novosti”yə istinadən verdiyi məlumata görə , bu barədə baş nazirin Avropaya inteqrasiya üzrə müavini Kristina Gerasimova bildirib.
Avropa Komissiyasının nümayəndə heyəti Kişinyovdadır və burada Avropaya inteqrasiya ilə bağlı danışıqlar prosesinə cavabdeh olan Moldova rəsmiləri ilə görüşlər keçirib.
Moldova qanunvericiliyin analitik nəzərdən keçirilməsini və namizəd ölkənin Aİ mandatlarını yerinə yetirməsinin qiymətləndirilməsini nəzərdə tutan ikitərəfli yoxlama ilə Aİ-yə üzvlük danışıqlarının ikinci mərhələsinə başlayıb. Avropa qanunvericiliyində “Dövlət satınalmaları” ilə bağlı maddə dövlət vəsaitlərinin səmərəli istifadəsinə istinad etdiyi üçün istənilən demokratik dövlətin düzgün işləməsi üçün zəruridir”, – Gerasimova bildirib.
Öz növbəsində Moldova hökumətinin mətbuat xidməti qeyd edib ki, Avropa Qonşuluq Məsələləri üzrə komissarı Oliver Varheli ilk ikitərəfli skrininq görüşündə iştirak edib və o, prosesin proseduru barədə danışıb.
2022-ci ilin iyununda Aİ Ukrayna və Moldovaya Aİ-yə namizəd ölkələr statusu verib, üzvlük danışıqlarının rəsmi başlanması üçün bir sıra ciddi şərtlər qoyub. Aİ dəfələrlə etiraf edib ki, Kiyev və Kişinyovun Moskvaya qarşı qarşıdurmasını dəstəkləmək üçün belə bir qərar əsasən simvolik olub.
