Millət vəkili Jalə Əhmədova aprelin 12-də Salyan rayonunda növbəti dəfə seçici qəbulu keçirib. Ulusal.az xəbər verir ki, Jalə Əhmədova qəbulda şəhid ailələri, qazilər və digər rayon sakinlərini, ümumilikdə 37 nəfər seçicini qəbul edərək, dinləyib. Millət vəkili onları narahat edən məsələlər barədə qeydiyyatlar aparıb, problemlərin həlli üçün səlahiyyətləri çərçivəsində əlindən gələn köməkliyi əsirgəməyəcəyini bildirib. Millət vəkili onu da qeyd edib ki, seçicilərin müraciəti əsasən işsizliklə bağlı idi.























