Bu gün Manşet.az xəbər portalının 3 yaşı tamam olur.
Xəbər portalı 2021-ci il iyunun 10-dan fəaliyyətə başlayıb və qısa müddət ərzində populyarlıq qazanıb.
Sayt ölkəmizdə və dünyada baş verən ən mühüm ictimai-siyasi prosesləri və hadisələri oxuculara təqdim edir. Manset.az-ın fəaliyyəti qısa bir zamanı əhatə etsə də, əslində, sayt ölkənin ən aparıcı xəbər portalları ilə rəqabət aparmaq imkanlarına malikdir.
Saytın təsisçiləri Famil Fərhadoğlu və Əli Vəliyevdir.
Saytda siyasət, iqtisadiyyat, mədəniyyət, idman bölmələri fəaliyyət göstərir. Gündəmin nəbzini tutan Manşet.az tək Azərbaycanda yox, ölkəmizin hüdudlarından kənarda yaşayan həmyerlilərimiz tərəfindən də izlənilir və sevilir.
Biz də Ulusal.az olaraq həmkarlarımızı təbrik edir, gələcək işlərində uğurlar arzulayırıq.
