Terrorçulardan qaçmaq istəyən insanlar evakuasiya üçün deyil, işçilər üçün nəzərdə tutulmuş bağlı qapılara rast gəliblər.
Ulusal.az Unikal-a istinadən xəbər verir ki, bunu “Krokus Siti Holl” konsert zalının sahibi Emin Ağalarov deyib.
O, qəza çıxışlarının normal qaydada işlədiyini vurğulayıb:
“Zalda tüstü sistemləri mütləq şəkildə işləyirdi. Kadrlarda görürük ki, yanğın artıq baş verəndə zal dumanda deyildi, yəni görmə qabiliyyəti qorunurdu. Damda nəhəng blok var”.
Müğənninin sözlərinə görə, yanan konsert zalının taleyi ilə bağlı hələlik qərar yoxdur.
