Rusiya Xarici İşlər Nazirliyinin xüsusi nümayəndəsi Mariya Zaxarova bəyan edib ki, Rusiya tərəfi Bakı və İrəvan nümayəndələrinə danışıqlar üçün platforma təqdim etməyə, onlar üçün ən rahat şərait yaratmağa hazırdır.
Ulusal.az xəbər verir ki, “Avropa İnteqrasiyası” QHT-nin rəhbəri Naira Karapetyan bildirir ki, Ermənistan və Rusiya üçün xoşagəlməz şərtlər yaranıb:
“Aydındır ki, Qərb qanadı altında aparılan danışıqlar və ritorika yaxşı heç nə vəd etmir. Rusiya bizə göydən hədiyyələr göndərməyəcək. Məsələ burasındadır ki, Ermənistan bu gün çox depressiyaya düşmüş vəziyyətdədir. Hər şeyi bununla əlaqələndirirəm. Lakin başa düşməliyik ki, Rusiya fövqəldövlət kimi Cənubi Qafqazda bu böyük geosiyasi tənzimləmə rolunu oynayır. Bu baxımdan, Ermənistanın canı Rusiyanın əlindədir”.
Ermənistan hakimiyyəti Rusiyanın təklifinə hələ ki, cavab verməyib. Bunun əvəzində ilk olaraq Bakı cavab verib. Burada çox maraqlı real siyasət baş verib. Görünən odur ki, Ermənistan Rusiyanın vasitəçiliyinə ehtiyac duymur. Onlar fəlakətin miqyasını dərk etmirlər. Azərbaycanın reaksiyası isə sübut edir ki, Azərbaycan oyunu öz meydanına çıxarmağa çalışır. Azərbaycan bu işdə səriştəli davranır”.
Karapetyanın fikrincə, Ermənistan özünü çox pis burulğanda tapıb. “Əgər əvvəllər Azərbaycan Ermənistanın irəli sürdüyü tələbləri tarazlaşdırmaq üçün bütün tədbirlərdən istifadə edirdisə, indi Azərbaycanın tələbləri rəsmi Bakının istədiyinə nail olmaq üçün növbəti cəhddir. Azərbaycan öz şıltaqlıqlarını bir-bir ortaya qoyur və ciddi müqavimət göstərmədən uğur qazanır. Mən sülh müqaviləsinin imzalanmasının gecikməsini də bununla əlaqələndirirəm, çünki onu ratifikasiya etdikdən sonra Azərbaycanın yeni güzəştlər götürməsi çətin olacaq. Mən demirəm ki, bu, mümkün olmayacaq, çünki, Allah eləməsin, əgər bu hakimiyyət hələ uzun müddət tab gətirə bilsə, biz çoxlu fəlakətli güzəştlərin şahidi olacağıq, lakin sülh müqaviləsindən sonra Azərbaycanın güzəştə getməsi çətin olacaq.
Moskvada Azərbaycanı dayandıra bilməyəcəklər, amma cilovlayıb, ləngidə biləcəklər. Eybəcər bir situasiya yaranıb. Ermənistanın əvəzinə fövqəldövlətlər danışır, yəni biz özümüzü ifadə edə, öz taleyimizə sahib çıxa bilmirik. Moskva Paşinyanın yüngül əli ilə tamamilə sıxışdırılmış oyuna qayıtmağa çalışır. ABŞ-da prezident seçkilərində baş verən dəyişiklikləri nəzərə alsaq, özümüzü necə haqlı saxlaya bilərik. Bundan istifadə edə biləcəyikmi, şansımız olacaqmı?”. /konkret.az/