“Azərbaycanı təmsil etdiyim üçün xoşbəxtəm”.
Ulusal.az xəbər verir ki, bu sözləri “Qarabağ”ın forvardı Juninyo oyundan sonra deyib.
Hücumçu bildirib ki, matç zamanı bəzi bəxtsizliklər oldu: “Əslində maraqlı oyun oldu. İkinci buraxdığımız qola görə çox üzüldüm. Bu, sanki ağızda acı dad təsviri bağışlayır. Amma rəqibin gücünə bələd idik. Yorğunluq var idi. Oyunda sona qədər qalmaq istəyərdim. Qırmızı vərəqə almağımız da çox təsir etdi”.
Futbolçu xarici klubların onunla maraqlanmasına da aydınlıq gətirib: “Mən ancaq onu deyə bilərəm ki, olduğum yerdən xoşbəxtəm, qürurluyam. Amma bu futboldur, hər şey ola bilər”.
