Türkiyə polisi İstanbulda “İslam Dövləti” (İŞİD) terror qruplaşması ilə əlaqədə şübhəli bilinən on əcnəbini saxlayıb.
Ulusal.az xəbər verir ki, bu barədə “Anadolu” agentliyi məlumat yayıb.
“İstanbulun 7 rayonunda 17 ünvanda dövlət üçün təhlükə törətməkdə şübhəli bilinən şəxslərin saxlanılması üçün əməliyyat keçirilib”, – deyə agentlik məlumat yayıb.
Polisin tədbirləri nəticəsində on əcnəbi saxlanılıb, barələrində istintaq-əməliyyat tədbirləri başlanılıb. Şübhəlilərin milliyyəti açıqlanmır.
Türkiyənin daxili işlər naziri Əli Yerlikaya daha əvvəl il ərzində 6 vilayətdə İŞİD-lə əlaqədə şübhəli bilinən 3,5 mindən çox şəxsin saxlanıldığını açıqlamışdı.
Oxşar əməliyyatlar Türkiyədə mütəmadi olaraq həyata keçirilir.