İsrailin enerji və infrastuktur naziri Eli Kohen BMT Baş katibi Antonio Quterreşi tənqid edib.
APA xəbər verir ki, Quterreş İsrailin Suriyaya hücumlarını qınadıqdan sonra, Eli Kohen buna sosial şəbəkə hesabında reaksiya verib.
“HAMAS terrorçuları üçün narahat olan ikiüzlü Quterreş, Suriyada silahlıların druz ictimaiyyətinə qarşı qətliam törətməsinə icazə verir. Sizin uğursuz təşkilatınız terrora dəstək verərkən, druz qardaşlarımızın Suriyada qətlə yetirilməsinə laqeyd qalmayacağıq” – Eli Kohen X hesabındakı paylaşımında qeyd edib.
Xatırladaq ki, Suriyanın Suveyda bölgəsində druzlarla hökumət qüvvələri arasındakı silahlı münaqişə atəşkəslə başa çatıb və hökumət qüvvələri bölgəni tərk edib.
