Qəzza zolağının İsrail hakimiyyəti tərəfindən tam işğalı yəhudi dövlətinin büdcəsinə hər il təxminən 35 milyard şekelə (10 milyard dollar) başa gələcək.
Ulusal.az xəbər verir ki, bunu “The Wall Street Journal” (WSJ) qəzetinə iqtisad elmləri doktoru, professor Esteban Klora deyib.
Klora qeyd edib ki, İsrail Qəzzanı işğal etməklə anklavda yaşayan 2 milyon insanın gündəlik həyatından məsul olacaq. Bura fələstinlilərə ərzaq, səhiyyə, təhsil və digər xidmətlər daxildir. 1967-ci ildən 2005-ci ilə qədər İsrail Qəzzanı idarə edib, onun xərclərinin maliyyələşdirilməsi əsasən anklavdakı vergilərdən gəlirdi. Qəzza zolağının iqtisadiyyatının indi bərbad vəziyyətdə olduğunu nəzərə alsaq, Klor hesab edir ki, büdcə xərclərini ödəmək üçün uyğun sxem yoxdur.
Bildirilir ki, yerli əhalinin İsrailə qarşı əsasən düşmən münasibətini nəzərə alaraq, İsrail Müdafiə Qüvvələri (IDF) Qəzzada böyük hərbi kontingent saxlamalı olacaq. Eyni zamanda, hərbi nöqteyi-nəzərdən anklavı işğal etmək çətin olmayacaq, çünki İsrail artıq ərazinin təxminən 75%-nə nəzarət edir.
