Ulusal.az xəbər verir ki, “Camaran” saytına müsahibəsində İsfahan şəhərinin cümə imamı Yusif Təbatəbainejad zorakı “Əxlaq” polisinin yenidən faəliyyətə başlamasına toxunaraq deyib ki, məcburi hicaba qarşı çıxan iş yerlərinə pul cərimələri tətbiq edilməsinin əvəzinə, lisenziyaları ləğv edilməlidir.
Onun sözlərinə görə, belə iş yerlərinin can damarı hökumətin əlindədir və bu uyğunsuz iş şəraiti olan mağazalar dərhal bağlanmalıdır.
“Qadın və kişinin eyni mağazada işləməsi heç vaxt düzgün deyil. Əgər mağaza sahibi yanında işləyən qadının bacısı olduğunu desə belə, bu yenə də səhvdir”-deyə, o, əlavə edib.
