Rəsmi “İran” qəzetinin anti-Azərbaycan müxbiri və “Hüseyniyun” terror qruplaşmasının rəhbərlərinin həbsinə etiraz olaraq bir neçə gün əvvəl özünün Tvitter hesabının fəaliyyətini donduran Məhəmməd Mütləq onların sərbəst buraxılmasından sonra yenidən paylaşım etməyə başlayıb.
Ulusal.az xəbər verir ki, İranlı jurnalist “Hüseyniyun” terror qruplaşmasının rəhbərlərinin “Sepah” tərəfindən həbsdən azad edildiyini etiraf edib.
Jurnalist belə yazıb :“Hüseyniyun” rəhbərləri “Sepah”ın işə qarışması sayəsində karantindən çıxaraq evlərinə qayıtdılar. Bu iki “dəyərli insanın” ən əsas problemi həddən artıq iranlı olmalarıdır.“Hüseyniyun” rəhbərlərini “Sepah” himayə edir. Çünki onlar Qafqaz cəmiyyətlərini bizdən yaxşı tanıyır, ən nəhayət, İranın və şiəliyin təəssübünü bizdən çox çəkirlər”.
