İranda 13 iyun tarixindən bəri 700 nəfər İsrail xüsusi xidmət orqanları ilə əməkdaşlıqda şübhəli bilinərək saxlanılıb.
Ulusal.az xəbər verir ki, məlumatı İranın Fars agentliyi yayıb.
Təfərrüatlar açıqlanmasa da, rəsmi qurumlar bu şəxslərin İsrail kəşfiyyat strukturlarına informasiya ötürmək və daxili sabitliyi pozmaqda ittiham olunduğunu bildiriblər. Həbs edilənlərin kimliyi və hansı regionlarda saxlanıldıqları barədə əlavə məlumat verilməyib.
Bu həbslər İran və İsrail arasında artan gərginlik fonunda baş verir və ölkə daxilində təhlükəsizlik tədbirlərinin sərtləşdirildiyini göstərir.Musavat.com
