İrana daxil olmaq üçün viza qaydalarının sərtləşdirilməsi səbəbindən rusiyalı turistlər artıq özbaşına viza ala bilməyəcəklər. Ulusal.az xəbər verir ki, bu barədə Rusiya Turoperatorlar Assosiasiyası İranın Moskvadakı səfirliyinə istinadən xəbər verir.
“İndi İrana turist vizası almaq üçün İranın turizm şirkətləri ilə əlaqə saxlamaq lazımdır. Bu, Rusiya turoperatorları vasitəsilə edilə bilər; onlar iranlı tərəfdaşlarla əlaqə saxlayacaqlar”.
“İran arzuolunmaz şəxslərin ölkəyə daxil olmasının qarşısını almaq üçün Yaxın Şərq regionunda münaqişənin kəskinləşməsi səbəbindən belə məhdudiyyətlər tətbiq etmək məcburiyyətində qalıb”, – deyə bəyanatda bildirilir.
Yeni qayda İranda otel rezervasiyalarına da şamil edilir.
