Şabran rayonunda Ümummilli Lider Heydər Əliyevin 100 illiyinə həsr olunmuş “Heydər Əliyev və Azərbaycan gənc istedadların gözü ilə” adlı yaradıcılıq sərgisi keçirilmişdir.
Tədbirdə Şabran rayon İcra Hakimiyyətinin başçısı Asif Hüseynov, rayonun idarə, müəssisə və təşkilat rəhbərləri, rayon ictimaiyyət nümayəndələri, məktəb kollektivləri və gənclər iştirak etmişdir.
Rayonumuzun gənc istedadlarının yaradıcılıq nümunələri nümayiş olunmuş, şerlər və nəğmələr dinlənilmişdir. Böyük marağa səbəb olan tədbirin sonunda müxtəlif ölkələrdə keçirilən idman yarışlarında qələbə qazanan gənc idmançılar və sərginin təşkilində xüsusi fəallıq göstərən bir neçə ümumtəhsil müəssisəsi Şabran rayon İcra Hakimiyyəti başçısının Fəxri Fərmanları ilə mükafatlandırılmışdır.
