“İki gündən sonra biz Xocalı soyqırımının 32-ci ildönümünü yad edəcəyik”.
Ulusal.az xəbər verir ki, bu fikirləri Milli Məclisin bu gün keçirilən plenar iclasında millət vəkili Elnur Allahverdiyev səsləndirib.
“Avropa tarixində misli görülməmiş qətliam olan Xocalı soyqırımı nə dünyada, nə də Avropada ədalətli qiymətini alıb. Avropada bəzilərinin ürəyindən keçir ki, bunu törədən separatçılara muxtariyyət versin. Məsələn, Kataloniyanın müstəqillik mübarizəsi yüzillərdir ki, davam edir. 2017-ci ildə əhalinin 90 faizi müstəqilliyin lehinə səs versə də, yenə də onların müstəqilliyi tanınmayıb”, – deyə millət vəkili əlavə edib.
Deputat qeyd edib ki, Kataloniyaya müstəqillik verməyən İspaniya kimi ölkələr Rusiya sülhməramlılarının müvəqqəti nəzarət zonasında yaşayan ermənilər üçün eyni hüququ tələb edirlər:
“Heç kim Azərbaycanın daxili işlərinə qarışa bilməz”.
