Ukrayna Silahlı Qüvvələrinin generalı Aleksandr Pavlyuk Almaniyanın Drezden şəhərində NATO-ya üzv ölkələrin komandanları ilə gizli görüş keçirib.
Ulusal.az xəbər verir ki, bu barədə “Bild” mənbələrinə istinadən məlumat yayıb.
Bildirilir ki, Avropadan olan 35 ölkənin yüksək rütbəli hərbi liderlərinin qapalı görüşü avqustun 29-da başa çatan üç günlük görüş olub.
Həmkarları Almaniyanın quru qoşunlarının müfəttişi, general-leytenant Alfons Mays qəbul edib. Qonaqlar arasında Niderland, Estoniya, İspaniya, Böyük Britaniya, İsveç, Albaniya və Yunanıstandan olan generallar da olub. Ukraynanı Silahlı Qüvvələrin quru qoşunlarının komandanı, general-leytenant Aleksandr Pavlyuk təmsil edib.
Onların hamısından alman hərbi texnikasının ən son modellərinin nümayiş olunduğu konfrans barədə jurnalistlərə heç nə deməmələri xahiş olunub.
Nəşrin məlumatına görə, nümayiş olunanlar arasında pilotsuz təyyarələrlə mübarizə üçün təkərli hava hücumundan müdafiə sistemi “Skyranger” də var. Mühərrikin gücü 720 at gücü, maksimal sürəti 100 km/saat, qiyməti – 18 milyon avrodur.
Avtomatik 30 mm-lik top 3 km radiusda dronları, 4 ədəd “Stinger” raketi isə 9 km radiusda dronları vura bilir. Bu kompleks artıq Avstriya, Macarıstan və Danimarka tərəfindən sifariş olunub.
RCH-155 pilotsuz təkərli haubitsa da təqdim edilib: 815 at gücü, 700 km-ə qədər məsafə, qiyməti – 10 milyon avro. O, 30 km/saat sürətlə hərəkət edərkən 54 km məsafə və dəqiqədə doqquz mərmi qədər atış sürəti ilə atəş edə bilir. İlk 54 haubitsa 2025-ci ildə Ukraynaya göndəriləcək.
“Biz Əfqanıstanda olanda Talibanın hərbi hava qüvvələri yox idi. İndi Ukraynada görürük ki, pilotsuz təyyarələrdən istifadə ilk növbədə böyük sıçrayış edib. Onlar indi döyüş meydanında hər yerdə mövcuddur. Ona görə də havadan gələn yeni təhlükə ilə üzləşən hər kəs bunu etməlidir”, – Mays bildirib.
