“Növbəti ildə Qarabağ Universitetinin fəaliyyətinin genişləndirilməsi üçün 17 milyon manat vəsait nəzərdə tutulub”.
Ulusal.az xəbər verir ki, bunu Milli Məclisdə 2025-ci ilin dövlət büdcəsinin müzakirəsi zamanı elm və təhsil naziri Emin Əmrullayev deyib.
Nazir bildirib ki, bu il Qarabağ Universitetinin bakalavriat səviyyəsinə 1104 nəfər qəbul olunub: “Qəbul olan tələbələrin 101 nəfəri 600-dən, 385 nəfəri isə 500-dən çox bal toplayıb. Növbəti ildə universitetin fəaliyyətinin inkişafı üçün 17 milyon manat vəsait nəzərdə tutulub. Gələ il Qarabağ Universitetinə 1200-1500 tələbənin qəbulu nəzərdə tutulub.Həmçinin Türkiyə-Azərbaycan Universitetinin fəaliyyətinin genişləndirilməsinə 10 milyon manat vəsait proqnozlaşdırılıb”.
E.Əmrullayev qeyd edib ki, gələn il rəsmiləşən tələbə kreditlərinin sayı 60 minə çatacaq: “Təhsil Tələbə Krediti Fondunda artıq 44 mindən çox kredit rəsmiləşib. Gələn il rəsmiləşən kreditlərin sayı 60 minə çatacaq”.
