FTX Gürcüstanın keçmiş müdafiə naziri və “Milton Group” şirkətinin təsisçisi David Kazeraşvilinin maraqları ilə işləyən beynəlxalq zəng mərkəzləri şəbəkəsinin Rusiya ofislərinin 11 menecerini və əməkdaşını saxlayıb.
Bu barədə TASS Rusiya FTX-nin İctimaiyyətlə Əlaqələr Mərkəzinə istinadən məlumat yayıb.
Liderlərdən biri İsrail və Ukrayna vətəndaşıdır. İkincisi isə İsrail və Gürcüstan vətəndaşıdır, axtarışdadır. 2022-ci ildə Ukrayna Təhlükəsizlik Xidmətinin (SBU) göstərişi ilə onlar Moskva, Kursk, Bryansk və Belqorodda gözlənilən terror aktları haqqında anonim hesabatların yayılmasını təşkil ediblər.
Əvvəllər məlum olmuşdu ki, zəng mərkəzləri investisiya əməliyyatları etmək adı altında fırıldaqçılıqla məşğul olan cinayətkar birliyin bir hissəsidir. Avropa İttifaqı, Böyük Britaniya, Kanada, Braziliya, Hindistan və Yaponiya vətəndaşları da daxil olmaqla, 50 ölkədən 100 minə yaxın insan şəbəkənin fəaliyyətindən təsirlənib. Fırıldaqçıların gəlirləri gündə bir milyon dollara çatırmış.Publika.az
