image-2000x150
image-1backend

Fransa müstəmləkəsi Yeni Kaledoniyaya qoşun yeridib

image-728x90

Fransa bölgədəki iğtişaşlar və qırğınlar fonunda Yeni Kaledoniyaya qoşun göndərdi

Bu barədə Fransanın Baş naziri Qabriel Attal böhran nazirlərinin iclasında bildirib.

Bazar ertəsi, mayın 13-də Noumea paytaxtında nümayiş iğtişaşlara və talanlara çevrildi. Nəticədə 5 etirazçı və bir jandarm həlak olub, yüzlərlə insan yaralanıb. Fransa Ali Komissiyasının məlumatına görə, 130-dan çox adam həbs edilib, 300-dən çox insan yaralanıb.

Bu səhər Fransanın Ali Komissarı Louis Le Frank CCAT-ı polisləri, jandarmları və nizam-intizam qüvvələrini öldürmək istəyi ilə aşkar zorakılıq hərəkətləri edən “quldurlar təşkilatı” kimi təsvir etdi.

Cavab olaraq, Kanaka Rəhbərlərinin Milli Şurası son aylarda hər yaşda və müxtəlif mənşəli yüz mindən çox insanı səfərbər edən CCAT-ın azadlıq mübarizəsini dəstəklədiklərini və “bu qədər insanın dəstəklədiyi bir təşkilat “terrorçu” və ya “mafiya” ola bilməz” deyib.

Bakı Təşəbbüs Qrupu və Fransanın son koloniyaları olan Kanaki (Yeni Kaledoniya), Maohi Nui (Fransız Polineziyası), Fransız Qvianası, Martinik, Qvadelupa və Korsikadakı müstəqillik uğrunda mübarizə aparan 14 siyasi hərəkat birgə Bəyanat yayıb.

Bəyanatda Fransa hökumətinin Kanaki-Yeni Kaledoniyada seçki kütləsinin genişləndirilməsi lehinə qanunsuz dəyişikliyin zorla tətbiq edilməsi pislənilib, müstəqillik uğrunda ədalətli mübarizəsində Kanak xalqına tam dəstək ifadə olunub.

Sənəddə Kanakinin bu gün alov içində olması, o cümlədən son günlər ərzində 150-yə yaxın insanın həbs edilməsi və 3 nəfərin qətlə yetirilməsinin məsuliyyətinin Fransa hökumətində olduğu qeyd olunur: “Kanak xalqının öz müqəddəratını təyinetmə hüququnu tapdalayan “insan hüquqları ölkəsi” adlanan Fransa dövlətinin Kanak xalqını öz torpağında azlıqda qoymaq üçün seçki elektoratını genişləndirmək məsələsindəki məqsədli istəyi mövcud vəziyyətin pisləşməsinə səbəb olur”.

image-728x90

  • whatsapp
  • messenger
  • telegram
  • vkontakte
  • odnoklassniki
image-728x90