Fransanın şəhərlərində kütləvi etirazlar başlayıb . Ulusal.az xəbər verir ki, bu barədə France 24 məlumat yayıb.
Fransızlar hökumətin sosial-iqtisadi kursundan narazılıqlarını bildirirlər.
Etirazlara səbəb hakimiyyətin pula qənaət etmək üçün pensiya və sosial müavinətləri inflyasiyaya indeksləşdirməmək qərarı olub.
Tələbələrlə polis arasında qarşıdurma müşayət olunur. Magistral yollar, məktəblər və xəstəxanalar bir-birinin ardınca bağlanıb.
Fransa sentyabrın 10-da tarixi bir xaos günü yaşayır. “Hər şeyi bloklayın” etirazları çərçivəsində bütün ölkədə orta məktəblərdən magistral yollara, qatar stansiyalarından atom elektrik stansiyalarına qədər həyat dayanıb.
Parisdə orta məktəblərin qarşısında başlayan tələbə etirazları qısa müddətdə polislə toqquşmaya çevrilib, zibil qutuları yandırılıb və yollar bağlanıb.
Çərşənbə günü, sentyabrın 10-da Fransada keçirilən “Hər şeyi bloklayın” etirazları ölkəni faktiki olaraq bağlayıb. Parisdə Lisey Claude Monet və Hélène-Boucher liseyləri qarşısında başlayan tələbə etirazları polisin müdaxiləsindən sonra toqquşmaya çevrilib.
