Son günlər Ebru Baki və baş redaktor Alişer Delek kimi yüksək vəzifəli şəxslərin “Sözcü” televiziyasında istefa verməsi mətbuatın gündəminə bomba kimi düşüb.
Ulusal.az “Haberler.com”a istinadən xəbər verir ki, kanaldakı bu narahatlığın arxasında isə xəbər aparıcısı Fatih Portakalın aldığı astronomik maaşın olduğu irəli sürülüb.
Məsələ ilə bağlı şərh verən jurnalist Fatih Altaylı Portakalın aylıq maaşının 14 milyon lirə civarında olduğunu və bunun kanaldakı yüksək vəzifəli şəxsləri narahat etdiyini iddia edib.
“Sözcü”də bir şeylər baş verir. Tam olaraq nə olduğunu bilmirik. Olayların qaynağının Fatih Portakalın kanalda aldığı maaş olduğu deyilir. Bunun da qurumda ciddi narahatlığa səbəb olduğu və istefa verənlərin olduğu deyilir”, – Fatih Altaylı açıqlamasında bildirib.
