Ermənistanda mikroavtobusla yük maşınının toqquşması nəticəsində 11 nəfər ölüb, 6 nəfər yaralanıb.
Ulusal.az “Sputnik Armenia”ya istinadən xəbər verir ki, avqustun 14-ə keçən gecə İrəvan-Gümrü yolunda, Landcik kəndi yaxınlığında(Şirak rayonu) 11 nəfərin ölümünə, 6 nəfərin isə xəsarət almasına səbəb olan avtomobil qəzası baş verib.
Məlumata görə, İrəvan-Gümrü yolunun 90-cı kilometrliyində “Volkswagen” markalı sərnişin mikroavtobusu və “ZİL” markalı yük maşını toqquşub.
Qəza nəticəsində 11 nəfər ölüb. Xəsarət alan 6 nəfər isə xəstəxanaya yerləşdirilib.
