“Ermənistanda belə bir fikir var ki, müxalifət istefaya getməli, seçkilər elə indi keçirilməlidir”.
Ulusal.az erməni mediasına istinadən xəbər verir ki, bu sözlər yerli siyasi ekspert, revanşist mövqeyi ilə tanınan Beniamin Matevosyanın yazısında əks olunub. Matevosyan bununla bağlı gözləntilərin əbəs olduğunu qeyd edib.
“Birincisi, müxalifət istefa verəndən sonra hakimiyyətin seçkilərə gedəcəyinə zəmanət yoxdur. Əgər siz desəniz ki, “qanun onları məcbur edəcək, çünki konstitusiya böhranı yaranacaq”, onda mən sizdən “son 6 ildə harada olmusan” sualını (ironik olaraq) soruşacağam. Çünki hakimiyyətin qanunlara uyğun hərəkət edəcəyini gözləmək çətindir. İkincisi, bütün müxalifət istefa versə və bundan sonra hakim partiya növbədənkənar seçkilər barədə qərar versə belə, bütün inzibati resurs Nikol Paşinyanın xeyrinə işləyəcək. Buna kimsə şübhə edir? Nəticə etibarı ilə Paşinyanın baş nazirliyi dövründə keçiriləcək seçkilər onun səlahiyyət müddətinin sadəcə olaraq uzadılmasına xidmət edəcək.
Siyasi möhtəkirliyə son qoymağın vaxtıdır, əks halda bu, artıq İrəvanın mərkəzində “AZ” simvolları olan sərhəd sütunlarının peyda olmasına gətirib çıxaracaq”, – deyə revanşist politoloq yazıb.Musavat.com
