Avropa Şurasının rəhbəri Şarl Mişel hələ də oktyabrın 5-də İspaniyanın Qranada şəhərində keçiriləcək Avropa Siyasi Birliyinin sammiti çərçivəsində Ermənistan və Azərbaycan liderləri arasında görüş təşkil etməyə çalışır.
Ulusal.az xəbər verir ki, bu barədə Aİ-nin yüksək vəzifəli nümayəndəsi Brüsseldə jurnalistlərə bildirib.
“İndi görüş haqqında danışmaq tezdir. Sabah axşama qədər aydınlıq olacaq”, o, jurnalistlərin Aİ-nin iki lider arasında görüş təşkil edə bilib-bilməyəcəyi ilə bağlı sualını cavablandırıb.
Diplomatın sözlərinə görə, Aİ “aralarında münasibətlərin normallaşdırılmasında irəliləyişə nail olmaq üçün Ermənistan, Azərbaycan, o cümlədən Fransa, Almaniya və Avropa Şurasının iştirakı ilə “iki üstəgəl üç” formatında görüş təşkil etməyə çalışır.
