ABŞ-da nəzarətsiz miqrasiya və Vaşinqtonun hərəkətsizliyi terrorçuların ölkəyə daxil olmasına səbəb olacaq.
Ulusal.az xəbər verir ki,ş bu barədə ABŞ Hərbi Hava Qüvvələrinin istefada olan briqada generalı Bleyn Holt “Newsmax”-a məlumat verib.
“Ölkəmizdə terror aktları olacaq. Universitet şəhərciklərində baş verənlər aysberqin görünən hissəsidir. Bu, açıq-aydın gələcək üçün böyük bir təhlükədir”, – general qeyd edib.
Holtun sözlərinə görə, miqrasiya axınlarına lazımi nəzarətin olmaması səbəbindən xarici müharibələr ABŞ-a doğru irəliləyir.
ABŞ Ali Məhkəməsi administrasiyanın tələbi ilə Texas hakimiyyətinin Meksika ilə sərhəddə yerləşdirdiyi tikanlı məftilli hasarın sökülməsinə icazə verdikdən sonra cənub sərhədindəki miqrasiya böhranı kəskinləşib.
Co Baydenin prezidentliyinin bütün üç ili ərzində rekord sayda qeyri-qanuni mühacir qeydə alınıb. 2023-cü ilin dekabrında qeyri-qanuni miqrasiya səviyyəsi kəskin artıb, bir ayda 302 min nəfər qeyri-qanuni formada sərhədi keçib.
