Ulusal.az xəbər verir ki, Rusiya Federal Təhlükəsizlik Xidmətinin əməkdaşları Krımın Feodosiya şəhərində Ukrayna xüsusi xidmət orqanlarına casusluq etməkdə şübhəli bilinən bir şəxsi saxlayıblar. Məlumata görə, həbs edilən şəxs kişidir. O, könüllü olaraq Ukrayna Təhlükəsizlik Xidmətinin əməkdaşları ilə əlaqə saxlayıb və daha sonra WhatsApp vasitəsilə onlara məxfi məlumatları ötürüb.
Həmçinin məlum olub ki, həmin şəxs Feodosiya şəhərindəki dəniz limanının strukturu barədə Ukrayna tərəfinə məlumat verib. Saxlanılan şəxs barəsində dövlətə xəyanət maddəsi ilə cinayət işi başlanıb. Şübhəli şəxs saxlanılıb. O, artıq etiraf edib.
