Millət vəkili Cavanşir Feyziyev Şəkidə fəaliyyət göstərən “Dəmir Yumruq” Ağır Atletika Klubunda olub. Baş məşqçi Cumay Camalov məşqlərin təşkili, idmançıların yarışlarda iştirakı və əldə etdiyi uğurlar haqqında millət vəkilinə ətraflı məlumat verib. “Dəmir Yumruq” Ağır Atletika Klubu 2023- cü ildə Şəki şəhərində deputat Cavanşir Feyziyevin təşəbbüsü və himayəsi ilə yaradılıb. Məqsəd Şəki gənclərinin asudə vaxtının səmərəli təşkili, gənclərin sağlam həyat tərzinə cəlb ediməsi və yaxın 5 il ərzində ağır atletika üzrə Avropa çempionu yetişdirməkdən ibarətdir.
