“Türkiyədə keçirilən prezident seçkilərinə Azərbaycanda maraq böyükdür. Xüsusilə, jurnalstlər bu məsələyə böyük maraq göstərirlər. Bu da başa düşüləndir. Çünki Türkiyə ilə Azərbaycan qardaş dövlətdir. Bu dostluq, qardaşlığın əsrlərə dayanan uzun tarixi var.”.
Ulusal.az xəbər verir ki, bu fikirləri sabiq millət vəkili Cahangir Hüseynov səsləndirib. O bildirib ki, bütün bunlara rəğmən Azərbaycan qardaş ölkədə keçirilən seçkilərdə canfəşanlıq etməməlidir:
“Bu türk xalqının seçimidir. Hər birimiz istəyərik ki, Türkiyə dövləti daha demokratik olsun, iqtisadi baxımdan daha da inkişaf etsin. Ancaq bir qədər təmkinli olmaq və Türk xalqının seçiminə hörmət etmək lazımdır”.
