Pakistanda “Taliban” qrupu əsl adı İqor Babko olan Sankt-Peterburqlu səyahət blogeri Vasya Şupaltseni qaçırıb.
Ulusal.az xəbər verir ki, bu baradə “Ura.ru” məlumat yayıb. O, çəkiliş aparmaq üçün Pakistana gedib və oktyabrın 24-də Dera İsmayıl Xanda itkin düşüb.
“Sankt-Peterburqdan olan Vasya Şupaltse Pakistanda “Taliban” tərəfindən qaçırıldı”, – deyə “Mash” teleqram kanalı yazır. Əlavə ediblər ki, o, “YouTube” kanalına çəkiliş aparmaq üçün bu ölkəyə gedib və yoxa çıxıb. Oktyabrın 26-da əlaqəni kəsəndə yaxınları həyəcan təbili çalıb.
Yerli KİV-in məlumatına görə, “Hafiz Gül Bahadır” qrupu bloqqer üçün pul tələb edir. Rusiya səfirliyindən heç bir rəsmi şərh verilməyib.
“İqor Babko əvvəllər Hindistan, Monqolustan, Əfqanıstan və Qafqazda olub, onun kanalının 2,2 min abunəçisi var”, – materialda deyilir.
