Suriya və Türkiyənin müdafiə nazirləri ikitərəfli münasibətlərin normallaşdırılması prosesi çərçivəsində görüşə bilərlər.
Ulusal.az xəbər verir ki, bu barədə Türkiyənin Müdafiə naziri Yaşar Gülər “Reuters” agentliyinə deyib: “Türkiyə və Suriya uyğun şərait yaradılarsa, aralarındakı münasibətləri normallaşdırmaq səyləri çərçivəsində nazirlər səviyyəsində görüş keçirə bilər”.
Türkiyə və Suriya müdafiə nazirləri arasında 2011-ci ildən bəri ilk danışıqlar 2022-ci ilin dekabrında Rusiyanın vasitəçiliyi ilə Moskvada baş tutub.
Yada salaq ki, iyunun sonunda Türkiyə prezidenti Dəməşqlə 2012-ci ildə kəsilmiş diplomatik münasibətləri bərpa etməyə hazır olduğunu bəyan edib.
