“Biz Türkiyə ilə münasibətlərin normallaşmasında və sərhədlərin açılmasında maraqlıyıq.” –Ulusal.az xəbər verir ki, bunu Ermənistan xarici işlər nazirinin müavini Vahan Kostanyan Bəhreyndə keçirilən beynəlxalq forumu çərçivəsində deyib.
“Biz hesab edirik ki, Ankara ilə münasibətlərin tənzimlənməsi Ermənistan və Azərbaycan arasında nizamlanma proseslərinə də müsbət təsir göstərə bilər. Amma onu da nəzərə alsaq ki, Ermənistan qərb tərəfdaşlarımızla yaxınlaşır, yəqin ki, sualımı burada verim. Türkiyə istər regionda, istərsə də Avropa Birliyi və Qərblə münasibətlər baxımından daha irəli gedib. Ermənistan da Avropa İttifaqına yaxınlaşmağa çalışır, Ermənistan xalqının Avropa istəkləri var. Sərhədlər açılsa, həm də Aİ-nin gömrük ittifaqının üzvü olan Türkiyə Ermənistanla Aİ arasında körpü ola bilər. Bizim xilas yolumuz Türkiyə ilə sərhədlərin açılmasıdır.” – Vahan Kostanyan bildirib.
