Ermənistanda revanşistlərin hərəkatına rəhbərlik edən Baqrat Qalstyanın müxalifətlə keçirdiyi qapalı görüş qızğın müzakirələrlə keçib.
Ulusal.az xəbər verir ki, görüşə Qarabağdakı separatçıların keçmiş “rəhbəri” Samvel Şahramanyanın dəvət edilməməsi də müzakirə edilib.
“Hraparak” yazır ki, separatçıların nümayəndələri görüşdə Baqratdan bunun səbəbini soruşublar. Erməni keşiş görüşün formatının Ermənistanın keçmiş prezidentləri ilə olduğunu, Şahramanyanı buna görə dəvət etmədiklərini deyib. Əlavə edib ki, o, Qarabağ məsələsində separatçıları dəstəkləyir. Baqrat hakimiyyətə gələcəyi təqdirdə separatizmə dövlət səviyyəsində dəstək verəcəyini də bildirib.
