image-2000x150
image-4backend

Bakıda yüksək vəzifədə çalışmış qadın həbs edildi

image-728x90

Bakı şəhəri İcra Hakimiyyətinin Ümumi şöbənin böyük mütəxəssisi vəzifəsində çalışmış Hökümə Əliyevə həbs edilib.

Publika.az-ın əldə etdiyi məlumata görə, H.Əliyeva barəsində X.Əyyubzadə adlı şəxs hüquq-mühafizə orqanlarına müraciət edib. O bildirib ki, 2019-cu ildı H.Əliyeva onu Milli Məclisdə mütəxəssis vəzifəsinə düzəldəcəyini vəd edərək 55 min manat alıb.

H.Əliyeva ona aylıq 2500 manata yaxın maaş alacağını deyib. Lakin H.Əliyeva verdiyi vədə əməl etməyib. O, bildirib ki, pulu Hikmət adlı başqa məmura verib və geri ala bilmir. Araşdırmalar zamanı X.Əyyubzadə ilə Hökümə Əliyevanı Sumqayıt şəhər 15 saylı orta məktəbin müəllimi olan qadının tanış etməsi də məlum olub. Həmin qadın X.Əyyubzadədən alınan pulun 10 min manatını özünə götürüb. Qalan 45 min manat isə Höküməyə çatıb.

Faktla bağlı cinayət işinin başlanmasından sonra həmin şəxs özündə saxladığı 10 min manatı geri qaytarıb.

Qeyd edək ki, Hökümə Əliyeva 2021-ci ildə öz ərizəsi ilə BŞİH-dəki vəzifəsindən azad edilib. Sumqayıt Ağır Cinayətlər Məhkəməsində Hökümə Əliyeva barəsində Cinayət Məcəlləsinin 178.3.2-ci (Dələduzluq-külli miqdarda ziyan vurmaqla) maddəsi ilə açılmış iş üzrə məhkəmə prosesi bu ilin sentyabrında başa çatıb. Hökümə Əliyeva 5 il həbs cəzasına məhkum edilib.

image-728x90

  • whatsapp
  • messenger
  • telegram
  • vkontakte
  • odnoklassniki
image-728x90