Son günlər türkiyəli müğənni Zeynep Bastıkla oxuduğu “Benden sonra” mahnısı ilə məşhurlaşan Rıza Tamerin Bakı konserti təxirə düşüb.
Ulusal.az Axşam.az-a istinadən xəbər verir ki, Rıza paytaxtımıza gəlsə də, səhnəyə çıxmaqdan imtina edib. Bunun səbəbini isə sənətçi yaydığı videoda açıqlayıb.
Rıza bildirib ki, Bakıda şəhər gəzintisinə gedib. Məkanlarda türk lirəsi qəbul edilməyib. Bu isə onun xoşuna gəlməyib və konsertdən imtina edib.
Rıza türk lirəsinin istifadə olunmadığı bütün ölkələrdə səhnəyə çıxmaqdan imtina edəcəyini açıqlayıb.
