Bakı Şəhəri üzrə Memarlıq və Şəhərsalma Baş İdarəsi tərəfindən aparılan monitorinqlər nəticəsində Nəsimi rayonu, Hüseynbala Əliyev küçəsində yerləşən obyektin ərazisində razılaşdırılmamış tikinti aşkar edilib. Tikinti işləri dayandırılıb. Ancaq bu gün yerli sakinlər saytımıza bildiriblər ki,Dövlət Şəhərsalma və Arxitektura Komitəsinin bəzi rəhbər şəxslərinin işə qarışmasından sonra tikinti işləri davam etdirilir. Xatırladaq ki, tikinti Əcəmi Mall ticarət mərkəzinin binasında üzərində aparılır.
Yerli sakinlər bildirir ki, tikinti aparan şəxslər heç bir qadağaya məhəl qoymayaraq tikintini davam etdirirlər.
Oxucularımızın binanın qeyri-qanuni artırmaya başlamazdan əvvəl necə göründüyünü müqayisə etmək üçün bizə göndərdiyi fotonu təqdim edirik.
Biz hadisələri izləyəcəyik.
