“Ölkə ərazisində qazlaşdırma tədbirləri cənab Prezidentinin təsdiq etdiyi “Azərbaycan Respublikası regionlarının 2019-2023-cü illəri əhatə edən Dövlət Proqramı” çərçivəsində həyata keçirilir. Ötən illərdən fərqli olaraq bu il də qazlaşdırma SOCAR “Azəriqaz” İstehsalat Birliyinin daxili maliyyəsi hesabına həyata keçirilir. Növbəti ildə də belə olacaq”.
Ulusal.az xəbər verir ki, bunu SOCAR “Azəriqaz” İB-in Yeni qazlaşma və inkişaf şöbəsinin rəisi Teymur Cəfərov bu gün keçirilən “Açıq Qapı” aksiyasında dedi.
“Bu ilin proqramına uyğun olaraq 114 yeni yaşayış massivinin və yaşayış məntəqəsinin qazlaşdırılması nəzərdə tutulurdu. Bunların hamısında bu il qazlaşdırma başlanıldı. Qeyd etdiyim yaşayış məntəqələrində 90 faiz işlər tamamlanıb. Qalan 10 faiz növbəti ilin əvvəlində tamamlanacaq”,- deyə qurumun rəsmisi əlavə etdi.
