Bakı məktəblisi, Yasamal rayonu 53 nömrəli tam orta məktəbin 2025-ci il məzunu Nurxan Useynzadə Türkiyənin Ankara şəhərində yerləşən Orta Şərq Texniki Universitetinin “Kompüter Mühəndisliyi” ixtisasına tam təqaüdlə qəbul olub.
Nurxan təhsil aldığı müddətdə beynəlxalq və yerli olimpiadalarda iştirak edərək müxtəlif uğurlar qazanıb, 2024-cü ildə Sabahın Alimləri XIII Respublika Müsabiqəsində Riyaziyyat nominasiyası üzrə “Evklid fəzalarında p-ölçülü səthilərin göstərilməsi” mövzusunda qalib olub və 2025 -ci ildə Elm və Təhsil naziri Emin Əmrullayevin müvafiq əmri ilə tam orta təhsil haqqında xüsusi nümunəli attestat və qızıl nişanla təltif olunub.
Nurxana gələcək həyatında bol -bol uğurlar diləyirik!
