“Ermənilərin “Humanitar böhran” şousu artıq sona çatıb. Ermənilər də anlayır ki, onların bu şousu inandırıcı deyil və Azərbaycan güzəştə getməyəcək və Laçın keçid məntəqəsinə nəzarəti əldən verməyəcək.”- bu fikirləri Ulusal.az-a açıqlamasında politoloq Arzuman Muradlı bildirib.
Politoloq eyd edib ki, hər gün Laçın sərhəd keçid məntəqəsindən onlarla erməni istifadə edir.
“Bu şounu yaradanlar separatçılardır. Onlar anlayır ki, Azərbaycana qarşı döyüşmüş və yaxud təxribat törətmiş şəxslər mütləq cəzalandırılacaq. Erməni terroçuları anlayır ki, Azərbaycan heç bir cinayətkarı bağışlamayacaq. Bir sözlə indi rəsmi Bakı addım-addım öz istəklərinə nail olur. Hesab edirəm ki, tezliklə Qarabağın ermənilər yaşayan hissəsində Azərbaycan bayrağı dalğalanacaq. Artıq bu qaçılmazdır və reallıqdır. Əgər hər hansı bir təxribat baş versə Azərbaycanın cavabı amansız olacaq”-deyə Arzuman Muradlı bildirib.
