Ermənistanda kiber fırıldaqçılar Azərbaycanın adından istifadə etməklə insanları aldadır.
Ulusal.az xəbər verir ki, bu barədə informasiya təhlükəsizliyi üzrə erməni ekspert Samvel Martirosyan deyib.
O, onlayn fırıldaqçılığın yeni növünün olduğunu bildirib və ssenarinin necə qurulduğunu açıqlayıb.
“Fırıldaqçılar “WhatsApp” və ya “Viber” hesab üzərindən insanlara zəng edirlər. Amma əvvəldə qurbanlar haqqında geniş məlumat öyrənilər, yəni hazırlıqlı olurlar. Zəng zamanı iddia edirlər ki, Dövlət Sərhəd Xidməti ciddi problemin üstünü açıb, lakin zərərçəkənin yaxın tanışı əməkdaşlıq üçün söz verib. Bu məqsədlə Milli Təhlükəsizlik Xidməti onunla əlaqə saxlayacaq.
Daha sonra zərərçəkənə özünü “MTX zabiti” kimi təqdim edən şəxs zəng vuur və izah edir ki, “Azərbaycan Dövlət Təhlükəsizlik Xidməti ilə birgə işləyirik. Azərbaycandan sizin hesabınıza milyonlarla dollar köçürülüb və bu məsələyə görə işə Azərbaycan məhkəməsində baxılacaq. Sizin hesabınızda özünüzə məxsus olan pul köçürülən milyonlarla puldan ayırmaq üçün, başqa hesaba transfer edilməlidir”. Bunu etdikdən sonra yoxa çıxırlar”, – Martirosyan deyib.
Onun sözlərinə görə, Ermənistanda QHT nümayəndələri və jurnalistlər də bu dələduzluğun qurbanı olublar.publika.az
