” Qarabağda qarşıdurmalar artır. Həm də Xankəndində qondarma rejimin rəhbəri olmaq uğrunda savaş gedir. Belə ki, son günlər Araik Aruthunyanın istefaya gedəcəyi ilə bağlı xəbərlər yayılıb. Aruthunyan kimin qəzəbinə gəlib? Vardanyanın fəallaşması bir çox suallara aydınlıq gətirir” -bu fikirləri Ulusal.az- a açıqlamasında politoloq Arzuman Muradlı bildirib.
Politoloq hesab edir ki, artıq Qarabağda Aruthunyana qarşı total hücumlar başlaıb.
“Sözsüz ki, bu hücumların arxasında duran qüvvələr var. Çünki Aruthunyanın İrəvandakı tərəfdarları ilə yaratdığı şoular öz nəticəsini vermir. Həmçinin Azərbaycanın tələbləri yerinə yetirilməlidir. Əgər bu tələblər yerinə yetirilməsə Azərbaycan Qarabağda anti-terror əməliyyatına başlayacaq. Belə olan halda Aruthunyanın bir yolu var, o da qaçmaq. Əgər bu baş verməsə o zaman Araik Azərbaycan qanunları qarşısında cavab verməli olacaq ki, bunu da Aruthunyan edə bilməyəcək. Məhz bu səbəbdən Aruthunyan könüllü qaçmaq yolunu tutub. ”.-deyə Arzuman Muradlı bildirib.
