Rayon Mərkəzi stadionunda Ağstafanı müxtəlif yarışlarda layiqincə təmsil edən “Dilbaz Atçılıq Kompleksi” MMC-nin komandasının oyununu RİH başçısı Seymur Orucov rayonun məsul şəxsləri və ictimaiyyət nümayəndələri ilə birlikdə izləyib. Komandanın bu dəfəki oyununa da böyük maraq və alqışlarla tamaşa olunub.
Xalqımızın minilliklər boyu qoruyub saxladığı milli dəyərlərimizdən olan atüstü oyunlardan bəhs olunuraq qeyd edilib ki, son illərdə atüstü milli oyunlarımızın qorunub saxlanılması, qədim tarixə malik atçılıq ənənələrinin bərpası, gənc nəsildə bu sahəyə marağın oyadılması istiqamətində dövlətimiz tərəfindən xeyli iş görülüb. Ölkəmizin hər yerində, o cümlədən Ağstafa rayonunda idmanla yanaşı turizmin inkişafına töhfə verən atçılıq sahəsi daim dövlətimizin qayğısı ilə əhatə olunur.
