Ulusal.az xəbər verir ki, ABŞ-ın keçmiş Avropa qoşunlarının komandanı Ben Hojes bildirib ki, əgər 2025-ci ildə Rusiya Polşaya Ukraynaya hücum etdiyi kimi hücum etsəydi, NATO qüvvələri – həm hava, həm də quruda – dərhal aqressoru məhv edərdi. İlk zərbə hədəfi isə Kalininqrad olardı və şəhər ilk saatlarda məhv edilərdi.
General Hojes vurğulayıb:
“İlk saatlarda – və Kalininqraddan əsər-əlamət qalmayacaq. Bütün Rusiya obyektləri məhv edilir. Həmçinin Sevastopoldakı hərbi obyektlər də zərərsizləşdiriləcək. Bu səbəbdən belə birbaşa müqayisələr yersizdir.”
Hojes əlavə edib ki, əgər Qərb əvvəldən açıq mövqe göstərib Kremlin qarşısında “Bunu etməyə cürət etməyin! Əks halda Ukraynaya lazım olan hər şeyi verərik və suverenliyini bərpa etməyə kömək edərik” deyə xəbərdarlıq etsəydi, bu gün vəziyyət tam fərqli olardı. O, həmçinin qeyd edib ki, Ukraynanın mövqeyi də xeyli güclü olardı.
General qeyd edib:
“Bunun əvəzinə biz illərlə danışıq aparırdıq: “Bəs Rusiya nüvə silahından istifadə etsə nə olacaq?” və ya “Rusiya Ukrayna ərazisini tərk etməsi üçün danışıqlar aparmalıyıq””.
